U britanskom parlamentu zakazana je rasprava za 18. jun o ukidanju Doma lordova, piše “Dejli ekspres”.

Rezultati te rasprave mogli bi da okončaju 700 godina dugu istoriju Doma lordova. Peticija za debatu o referendumu o budućnosti ovog doma Parlamenta do sada je prikupila više od 145.500 potpisa. Vlada je obavezna da odgovori i ako se prikupi najmanje 10.000 potpisa, podsjeća list.

Lordovi su se našli na udaru kritika evroskeptika posljednjih sedmica zbog pokušaja da ublaže ili eventualno pokopaju planove u vezi sa “bregzitom” premijerke Tereze Mej.

Lordovi su već nanijeli deset poraza vladi u vezi sa prijedlogom zakona o povlačenju iz EU.

(Agencije)